கவுணி அரிசி

தேவையானவை:

• ப்ரௌன் அரிசி - 1 கப்
• சீனி - 1/4 to 1/2 கப்
• தேங்காய் துறுவல் - 5 டீஸ்பூன்

செய்முறை:

• அரிசியை, நீரில் இருபத்திநான்கு மணி நேரம் ஒரு பாத்திரத்தில் ஊற வைத்து, பின் நீரை வடிகட்டவும்.
• மற்றொரு பாத்திரத்தில் அரிசியை இட்டு, அதற்கும் மேல் ஒரு செ.மீ. அளவிற்கு நீர் சேர்க்கவும்.
• ப்ரெஷர் குக்கரை அடுப்பில் ஏற்றி, கீழே சிறிது நீர் விட்டு, அரிசி பாத்திரத்தை உள்ளே வைக்கவும்.
• முதல் விசில் வந்தவுடன், சிம்மில் வைத்து இருபத்தி ஐந்து நிமிடங்கள் வேக விடவும்.
• பின் அடுப்பை அனைத்து, ப்ரஷர் நீங்கியவுடன், அரிசியை நன்றாக மசித்து விடவும்.
• சீனி, தேங்காய் துறுவல் இரண்டையும் சேர்த்து நன்றாகக் கிளறவும்.
• சூடான, சுவையான கவுணி அரிசி தயார்.

குறிப்பு: ப்ரௌன் அரிசி இங்கு சீனர்கள் கடைகளில் கிடைக்கிறது.